29 наурызда Л. Н. Толстой атындағы Қостанай облыстық әмбебап ғылыми кітапханасында облыстық орыс драма театрының басшысы, Қазақстанның еңбек сіңірген қайраткері Юрий Ивлевтің шығармашылық кеші өтті. Іс-шараға оның достары мен әріптестері, сондай-ақ мектептер мен жоғары оқу орындарының оқушылары келді.
Юрий Ивлев 1989 жылдан бастап Қостанай облысының мәдениет саласында.
Ол ҚР Мәдениет Министрлігінің «Мәдениет қайраткері», «Бірлік», «Қазақстан халқы Ассамблеясына 20 жыл», «Белсенді қызметі үшін», «Қазақстан халқы Ассамблеясына 25 жыл», «Пушкин медалі» (РФ Президентінің Жарлығымен) төсбелгісінің иегері. 2014 жылы «үздік театр менеджері», ал 2022 жылы «Қазақстанның еңбек сіңірген қайраткері атанды.
Юрий Ивлев 2009 жылы театрдың директоры болды. Осы уақыт ішінде ол ҚР Халық әртісі Николай Бобров атындағы залды, экскурсиялар өткізілетін театр тарихы мұражайын ұйымдастырды, бірнеше көркемсурет көрмесін ұйымдастырды. Оның басшылығымен театр компаниясы елден тыс жерлерде танымал болды.
Кеште Наталья Закора әндерін орындады, жылы сөздер айтты, естеліктерімен бөлісті және Ивлевтің әріптес достары да сыйлықтар табыс етті.
«Айва» даму орталығының Magic people театр студиясы қойылым дайындап, онда әртіс мамандығының мәнін көрсетті, М. Горький атындағы гимназияның «Петрушка» театры тәрбиеленушісі балалар үйі туралы өлеңін айтты.
